Më 24 prill 2023, Akademia e Drejtësisë, zyrtarisht ka filluar Programin e Trajnimit Fillestar, për prokurorët e sapoemëruar të gjeneratës së X, duke realizuar takimin e parë me prokurorët e sapoemëruar. Trajnimin fillestar do ta ndjekin 21 prokurorë të sapoemëruar gjenerata e dhjetë (X) (2023/2024), të emëruar në prokuroritë e Republikës së Kosovës.
Hapjen e këtij takimi e bëri Drejtori Ekzekutiv i Akademisë së Drejtësisë, z. Enver Fejzullahu duke i uruar prokurorët e ri për emërimin e tyre dhe fillim të mbarë në rrugëtimin e detyrës së re, për të vazhduar më pas me njoftimin e rolit dhe rëndësinë që ka trajnimi fillestar, për ngritjen e shkathtësive profesionale dhe praktike. Po ashtu z. Fejzullahu, në pika të shkurta elaboroi strukturën e programit fillestar, mënyrën e organizimit dhe realizimit të tij, si të pjesës teorike, po ashtu edhe atë praktike, si dhe çështje tjera që ndërlidhen me këtë program. Më tej ai shprehu gatishmërinë e tij dhe të Akademisë së Drejtësisë, për mbështetje të vazhdueshme për prokurorët e sapoemëruar, me qëllim që trajnimi fillestar të realizohet në mënyrën më të mirë të mundshme.
Prokurorëve të sapo emëruar iu drejtua edhe Kryesuesi i Këshillit Prokurorial të Kosovës, z. Jetish Maloku, i cili potencoi mbështetjen e KPK-së në drejtim të prokurorëve të sapoemëruar, dhe duke e theksuar rolin dhe rëndësinë që e ka trajnimi fillestar e po ashtu duke i njoftuar edhe me sfidat të cilat do ti presin gjatë ushtrimit të detyrës.
Në përfundim të takimit njoftues ku shënon fillimin zyrtar të Trajnimit Fillestar për prokurorët e sapo emëruar, Udhëheqësja e Programit të Trajnimeve Fillestare znj. Valmira Pefqeli me informata të detajuara i njoftoi rreth programit, për mënyrën e realizimit të trajnimit teorik i dhe atij praktik i cili do të realizohet në prokuroritë përkatëse ku janë të emëruar. Po ashtu theksoji edhe procesin e vlerësimit, gjë që ka shumë rëndësi lidhur me performancën e prokurorëve në trajnimin fillestar.
24-04-2023