Më datën 30 mars 2010 është mbajtur një tryezë pune me temën e lartpërmendur. Gjatë kësaj tryeze janë diskutuar çështjet rreth masave që ndërmerren ndaj personave për të cilët ka dyshim të bazuar se kanë kryer vepër penale që ndiqet sipas detyrës zyrtare ose edhe vepra penale të tjera të dënueshme. Gjatë trajnimit u konkludua se:
Para se të urdhërohet masa duhet të nxirret Aktvendimi për Fillimin e Hetimit, Në urdhër, duhet të shënohet emri dhe mbiemri ndaj të cilit do të zbatohet masa por ato duhet të jenë konfidenciale, Prokurori publik ka të drejtë të kërkoj me urdhër vetëm listën e mesazheve dhe gjyqtari i procedurës paraprake me urdhër mund ti lexoj këto mesazhe, Incizimin e bisedave telefonike dhe dëgjimin e përmbajtjes së tyre e urdhëron gjyqtari i procedurës paraprake, Në të gjitha rastet kur kemi të bëjmë me kërkesën e policisë për zbatimin e masave të vëzhgimit, këto kërkesa duhet të jenë të arsyetuara në mënyrë të zgjeruar dhe të jenë bindëse për prokurorin.
Përfitues të këtij trajnimi ishin gjyqtarë dhe prokurorë të të gjitha regjioneve të Kosovës.
30-03-2010