Më 02 shkurt 2017, Instituti Gjyqësor i Kosovës me mbështetjen e Zyrës së Këshillit të Evropës në Prishtinë, në kuadër të trajnimeve të vazhdueshme ka realizuar trajnimin nga fusha e mbrojtjes së të drejtave të njeriut, me temë “Mbrojtja dhe promovimi i diversitetit, tolerancës dhe barazisë në kontekst të legjislacionit mbi mos-diskriminimin”.
Trajnimi u realizua me qëllim që të kontribuoj në avancimin e njohurive profesionale të përfituesve në qartësimin dhe zbërthimin e kompleksitetit të legjislacionit për mos diskriminimin në Kosovë, si dhe qasjen dhe trajtimin e barabartë të komunitetit LGBT nga ana e gjyqësorit.
Në kuadër të këtij trajnimi u elaborua korniza ligjore vendore që rregullon këtë fushë, parimi i trajtimit të barabartë, konceptet kyçe të diskriminimit, kategoritë e diskriminimit, si dhe fushat më të prekura nga kjo dukuri.
Po ashtu gjatë trajnimit u realizuan aktivitete ndërgjegjësimi për diversitet, paragjykime, mos-diskriminim dhe barazi.
Trajnimi u zhvillua përmes shpjegimeve teorike dhe diskutimeve interaktive për vështirësitë në aplikimin e drejtë të legjislacionit mbi mos-diskriminim.
Përfitues të këtij trajnimi ishin gjyqtarë dhe prokurorë të nivelit themelor.
02-02-2017