Më 29 prill 2020, në kuadër të kursit të vazhdueshëm HELP, Akademia e Drejtësisë në bashkëpunim me Zyrën e Këshillit të Evropës në Prishtinë, realizuan punëtorinë në platformën Zoom me temë “Dhuna ndaj grave dhe dhuna në familje”.
Qëllimi i punëtorisë ishte avancimi i njohurive profesionale të pjesëmarrësve me çështjet që kanë të bëjnë me dhunën në familje dhe dhunën ndaj grave me qëllim të zbatimit konsekuentë të të gjitha akteve juridike të brendshme me thekës të veçantë Konventës së Stambollit.
Gjatë kësaj punëtori On-line në platformën Zoom u diskutua realizimi i Kursit on-line i cli është ndjekur nga gjyqtarë, prokurorë, mbrojtës të viktimave, zyrtar policor si dhe pjesëmarrës tjerë nga të gjitha regjionet e Kosovës, i cili Kurës ka përfshinte 7 module të cilat në përmbajtje kanë trajtuar dhunën në familje dhe dhunën ndaj grave.
Këto module kanë qenë të shoqëruara me akte të brendshme juridike si Kushtetuta, Kodin Penal, ligjin për mbrojtjen nga dhuna në familje, po ashtu edhe Konventën e Stambollit, duke përfshirë strategji dhe broshura të ndryshme të cilat kanë trajtuar dhunën në familje dhe dhunën ndaj grave. Vëmendje gjatë këtij sesioni iu kushtua trajtimit të dhunës në familje dhe implikimet e saj në të drejtat e njeriut duke bërë vështrime krahasimore edhe me aktgjykimet e Gjykatës Evropiane të Drejtave dhe të Lirive të Njeriut, të cilat kanë vënë bazat se si ndëshkohet një shtet nëse nuk ndërmerr masat e nevojshme për mbrojtjen e viktimës së dhunës në familje.
Përfitues të këtij trajnimi ishin gjyqtarë dhe prokurorë, mbrojtës të viktimave, avokat dhe zyrtar tjerë.
29-04-2020