Më 22 dhe 23 janar 2013, IGJK në bashkëpunim me UNICEF, në kuadër të Programit të Trajnimeve për Avancim realizoi një trajnim dy ditorë nga moduli “ Kodi i Drejtësisë për të Mitur”.
Qëllimi i këtij trajnimi ishte krijimi i praktikave më të mira në drejtim të zbatimit të dispozitave ligjore sa i përket masave dhe dënimeve të zbatueshme ndaj të miturve si dhe çështjet tjera që kanë të bëjnë me procedurën për të mitur.
Në ditën e parë të trajnimit u prezantuan parimet e procedurës për të mitur, masat dhe dënimet e zbatueshme ndaj të miturve, masat e diversitetit dhe ndërmjetësimi. Ndërsa në ditën e dytë në fokus ishin masat edukuese, burgimi për të mitur dhe gjykimi i madhorëve për veprat penale të kryera ndaj fëmijëve.
Me rastin e këtij trajnimi pjesëmarrësve iu shpërnda moduli trajnues: Kodi i Drejtësisë për të Mitur dhe Protokoli i Përbashkët Referues Për Institucionet e Drejtësisë për Fëmijë.
Përfitues të këtij trajnimi ishin gjyqtarët dhe prokurorët nga Departamenti për të Mitur si dhe zyrtarë nga Shërbimi Sprovues, Qendra për Punë Sociale dhe zyrtarë nga Policia e Kosovës.
23-01-2013