Instituti Gjyqësor i Kosovës më 19 janar 2010 realizoi tryezën e diskutimeve me temë Autorizimet e Prokurorit Publik. Në këtë sesion trajnues janë trajtuar çështje të rëndësishme lidhur me kompetencat e prokurorit publik rreth dhënies së autorizimeve policisë për kryerjen e veprimeve hetimore dhe çështjeve tjera rreth mbledhjes së provave. Gjithashtu u diskutua edhe për raportet e prokurorisë me doganat në kuadër të së cilave funksionojnë njësitë e hetimit dhe me gjykatën ku prezantohen dhe arsyetohen provat. Me këtë rast u theksua se mosfunksionimi i policisë gjyqësore po paraqet një vështirësi tejet të madhe për punën e prokurorisë.
19-01-2010