Më 25 maj 2021, në kuadër të programit për trajnim fillestare për gjyqtarët e sapo emëruar gjenerata e tetë (8) është realizuar trajnimi teorik nga nën moduli “Arsyetimi i vendimeve-në lëmine civile” me trajnues z. Albert Zogaj, gjyqtar në Gjykatën Supreme.
Në kuadër të këtij sesioni trajnues nga ky nën modul janë trajtuar: Shkrimi dhe arsyetimi ligjor përmes metodës IRAC, pyetje të strukturuara, procesi analitik, analiza, rëndësia dhe nevoja për procesin analitik, dhe analiza e shkruar ligjore.
Metodologjia e trajnimit është zbatuar me raste praktike si dhe me metodën e bashkëbisedimit duke shtjelluar raste praktike rreth metodës IRAC. Trajnimi është realizuar në mënyrë fizike në Akademi duke zbatuar masat preventive ndaj virusit COVID-19. Përfitues të trajnimit janë 24 gjyqtarë të sapoemëruar, ku dy prej tyre janë të komunitetit serb.
25-05-2021