Më 25 Nëntor 2022, Akademia e Drejtësisë në kuadër të Programit për Trajnime të Vazhdueshme, është duke realizuar trajnimin me temë “Praktika aktuale e Gjykatës Kushtetuese sipas kërkesave – ankesave në lëminë penale”.
Trajnues të angazhuar në këtë trajnim janë: znj. Nesrin Lushta, gjyqtare në Gjykatën Supreme, z. Agim Maliqi, gjyqtar në Gjykatën Supreme dhe z. Islam Sllamniku, trajnues gjyqësor i përhershëm në Akademinë e Drejtësisë.
Qëllimi i këtij trajnimi është avancimi i njohurive të pjesëmarrësve lidhur me lejueshmërinë e kërkesave, raportin e Gjykatës Kushtetuese të Kosovës me gjykatat e rregullta në kontekst të dispozitave Kushtetuese, përvoja e kësaj gjykate sipas kërkesave - ankesave në lëminë penale, dhe rolin e kontrollit incidental të kushtetutshmërisë.
Metodologjia e trajnimit është e karakterit të kombinuar me shpjegime teorike dhe diskutime interaktive duke prezantuar dhe raste praktike.
Përfitues të këtij trajnimi janë gjyqtarë nga Gjykata e Apelit si dhe gjyqtarë nga Niveli Themelor.
25-11-2022