Më 5 nëntor 2018, Akademia e Drejtësisë në kuadër të trajnimeve për stafin administrativ gjyqësor dhe prokurorial ka realizuar trajnimin me temë “Parimet dhe sjelljet etike” e cila është në kuadër të modulit për “Integritetin dhe Sjelljet etike”.
Qëllimi i këtij trajnimi ishte avancimi i njohurive të stafit administrativ gjyqësor dhe prokurorial rreth parimeve dhe sjelljeve etike, dhe zbatimi i drejtë i tyre në praktikë për ngritjen e prestigjit dhe imazhit të sistemit gjyqësor dhe prokurorial.
Gjatë këtij trajnimi janë elaboruar një varg parimesh që duhet respektuar gjatë punës në gjykata dhe prokurori duke filluar nga parimi i paanshmërisë, pavarësisë, konfidencialitetit, korrektësisë, mos diskriminimit dhe parime tjera, të cilat në rast të mosrespektimit dëmtojnë imazhin dhe besimin e publikut në gjykatave dhe prokurori.
Trajnimi është zhvilluar në mënyrë interaktive me bashkëbisedim mes trajnuesve dhe pjesëmarrësve, e po ashtu pjesëmarrësit patën rastin përmes detyrave dhe rasteve studimore të identifikojnë sjelljet jo etike dhe etike.
Përfitues të këtij trajnimi ishin 20 pjesëmarrës prej tyre 8 nga stafi administrativ gjyqësor si dhe 12 nga stafi administrativ prokurorial.
05-11-2018