Trajnim i Trajnuesve kundër Diskriminimit

Sot më 08 Nëntor 2021, Akademia e Drejtësisë, në bashkëpunim me OSBE, është duke e zhvilluar Trajnimin e Trajnuesve në fushën e Diskriminimit.

Qëllimi i këtij Trajnimi të Trajnuesve është që të avancohen kapacitetet trajnuese të Akademisë së Drejtësisë dhe të zhvillohen aftësitë profesionale të gjyqtarëve duke u njoftuar më shumë me parimet dhe konceptet e Ligjit për mosdiskriminim, aspektet krahasuese të Legjislacionit vendor me atë ndërkombëtar, praktikën gjyqësore të Gjykatës Evropiane për të Drejtat e Njeriut etj.

Gjatë Trajnimit të Trajnuesve i cili do të zgjasë 3 ditë, do të shtjellohen edhe çështjet e ngacmimit seksual, gjuha e urrejtjes dhe stereotipet negative, viktimizimi dhe përkufizimet sipas të drejtës së BE-së.

Objektivat e Trajnimit të Trajnuesve janë që pjesëmarrësit, pas përfundimit të trajnimit të jenë në gjendje të:

1. Të kuptojnë elementet e ligjeve të ndryshme të diskriminimit;
2. Të shpjegojnë dallimet dhe ngjashmëritë mes llojeve të ndryshme të trajtimit të barabartë;
3. Të identifikojnë organet përgjegjëse për adresimin e çështjeve të diskriminimit;
4. Të dinë të zbatojnë sanksionet e duhura në rastet e diskriminimit etj.

Trajnuese e këtij Trajnimi do të jetë ekspertja Ndërkombëtare znj. Margarita Ilieva.

Përfitues të këtij Trajnimi janë Gjyqtarët e nivelit Themelor dhe të Apelit.