Më 22 janar 2015, Instituti Gjyqësor i Kosovës në kuadër të Programit për Trajnime të Vazhdueshme ka realizuar trajnimin për gjyqtarë me temën “Procedura për kundërvajtje-menaxhimi efikas dhe efektiv”.
Qëllimi parësor i trajnimit ishte kontributi në ngjitjen profesionale te gjyqtarët për kuptimin e veprës kundërvajtëse duke bërë dallimin me veprat tjera dhe identifikimin e llojeve të aktvendimeve në procedurën kundërvajtëse.
Qëllim tjetër i këtij trajnimi ishte edhe shtjellimi i çështjeve për përcaktimin e afateve ligjore për fillim të procedurës dhe vlerësimin e provave kryesore për vërtetimin e drejtë të gjendjes faktike.
Në përmbajtje ky trajnim kishte tematika lidhur me organet kompetente që mund të paraqesin kërkesën për ngritjen e procedurës kundërvatjëse, kushtet për fillimin ose hedhjen e kërkesës për fillim të procedurës dhe kushtet të cilat ndikojnë për ndërprerjen e procedurës kundërvatjëse si dhe masat për sigurimin e palëve në procedurë.
Në pjesën e fundit të trajnimit gjyqtarët u ndan në grupe punuese për të hartuar lloje të aktvendimeve për kundërvajtje.
Metoda e përdorur e trajnimit ishte e kombinuar, teori e përcjellë me raste praktike dhe diskutime interaktive për vështirësitë aktuale në praktikën gjyqësore në lëmin e kundërvajtjes.
Përfitues të këtij trajnimi ishin gjyqtarët e divizionit të kundërvajtjes.
22-01-2015