Më 26 nëntor 2015, Instituti Gjyqësor i Kosovës në kuadër të trajnimeve të vazhdueshme, në bashkëpunim me projektin “Normally Different” ka realizuar trajnimin me temën “Mbrojtja dhe promovimi i diversitetit, tolerancës dhe barazisë në kontekst të legjislacionit mbi mos diskriminimin”.
Qëllimi i këtij trajnimi ishte ndërgjegjësimi i prokurorëve për barazinë gjinore dhe mos diskriminimin.
Fillimisht në ketë trajnim u elaboruan diskriminimi, konceptet kyçe të diskriminimit, barazia gjinore dhe mos diskriminimi, procedura e diskriminimit për barrën e provës, aplikim i Ligjit kundër Diskriminimit, Ligji për Mbrojtjen e Barazisë Gjinore. Po ashtu gjatë trajnimit u diskutua për vështirësitë në aplikimin e këtyre ligjeve në Kosovë.
Përfitues të këtij trajnimi ishin prokurorë të nivelit themelor nga të gjitha regjionet e Kosovës.
26-11-2015