Më 27 dhjetor 2022, Akademia e Drejtësisë në kuadër të Programit Fillestar, për gjyqtarët e sapo emëruar gjenerata e nëntë për grupin e parë është duke realizuar trajnimin teorik nga nën moduli “E drejta Ekonomike”, në mbështetje të trajnuesit z. Mahir Tutuli, Kryetar në Gjykatën Komerciale.
Në kuadër të këtij sesioni janë duke u trajtuar: leximi dhe interpretimi i Ligjit të Falimentimit të Kosovës, juridiksioni i gjykatës dhe mjetet juridike, fillimi i procedurës së falimentimit, riorganizimi, koncepti i ri: Lehtësitë e Ndërmarrjeve të Vogla dhe të Mesme (NVM), koncepti i ri: Lirimi Individual dhe likuidimi.
Metodologjia e trajnimit është duke u zhvilluar me anë të metodës interaktive dhe raste praktike.
Përfitues të trajnimit janë 29 gjyqtarë të sapoemëruar.
27-12-2022