Më 07-08 dhjetor 2017, Akademia e Drejtësisë në bashkëpunim me EULEX organizon trajnimin me temë “Dëshmitë e mbledhura nga facebook dhe platformat tjera të mediave sociale”.
Në kuadër të këtij trajnimi do të prezantohet: Çfarë janë mediat sociale? Çfarë lloji të informatave relevante postojnë vepërkryerësit (apo të tjerët që kanë lidhje me ta) në media sociale? Dallimi i vlerës evidenciale mes informatave të marra nga Facebook (dhe mediave tjera sociale) dhe informatave inteligjente; Principet e përgjithshme ligjore dhe çështjet procedural në lidhje me mbledhjen e dëshmive të pranueshme nga Facebook dhe platformat tjera të mediave sociale online. Gjetja dhe mbledhja e informatave relevante në Facebook dhe platformat tjera të mediave sociale; Etika në lidhje me hetimet e mediave sociale online; Implikimet e të Drejtave Njerëzore: respektimi i të drejtës së privatësisë; Si mund të përdoren informatat relevante si dëshmi të pranueshme në procedurë penale; Bashkëpunimi efektiv polici-prokurori për përdorimin e informatave në kohë reale nga postimet në Facebook.
Përfitues të këtij trajnimi janë: Prokurorë nga Prokuroria e Apelit dhe niveli Themelor, Gjyqtarë nga Gjykata e Apelit dhe niveli Themelor.
07-12-2017