Më 12 janar 2010 në Institutin Gjyqësor të Kosovës u mbajt tryeza e punës me trajnuesit e lëmis penale. Qëllimi i kësaj tryeze ishte përcaktimi i këtij grupi të trajnuesve për temat konkrete në drejtim të realizimit të Programit të Vazhdueshëm për Arsimim Ligjor në vitin 2010. Në fillim të kësaj tryeze trajnuesit u njoftuan shkurtimisht lidhur me vlerësimin e tyre nga ana e pjesëmarrësve për trajnimet e realizuara gjatë vitit 2009 si dhe me prioritetet të cilat i merr për bazë IGJK-ja për ta angazhuar një trajnues. Gjithashtu në këtë tryezë u diskutua edhe lidhur me metodat moderne për realizimin e trajnimeve të suksesshme, me ç’rast trajnuesit u zotuan se gjatë prezantimeve të tyre në trajnime ata do t’i aplikojnë vazhdimisht metoda sa më të avancuara të trajnimit.
12-01-2010