Më 22-23 shtator 2020, Akademia e Drejtësisë në kuadër të Programit për Trajnime të Vazhdueshme është duke e realizuar trajnimin përmes platformës Zoom me temë “Program i Specializuar Trajnimi- Prokurimi Publik i Kosovës- Sesioni II”.
Trajnues të angazhuar në këtë trajnim janë: z. Admir Shala, kryeprokuror i Prokurorisë Themelore në Prizren dhe z. Agim Sheqiri, ekspert për prokurim publik.
Qëllimi i këtij trajnim është avancimi i njohurive të pjesëmarrësve rreth implementimit të kontratës, hetimit dhe gjykimit të veprave penale të kësaj natyre.
Në fokus të këtij trajnimi do të jenë faza e implementimit të kontratës, skemat korruptive dhe problemet e ndërlidhura me mashtrim, planifikimi i hetimit dhe ndjekja:
Gjatë këtij trajnimi janë duke u elaboruar: Rreziqet indikative të korrupsionit në fazat e prokurimit, vlerësimi i nevojave/përcaktimi i kërkesave, përgatitja/procesi i dizajnimit dhe përgatitja e dokumenteve të ofertimit, zgjedhja e kontraktorit dhe faza e dhënies së çmimit, faza e implementimit të kontratës, pagesa e haraçit, konflikti i interesit, skemat e kurdisjes së ofertave, ofertomi konspirativ, skemat mashtruese, përmbajtja e planit të hetimit, identifikimi i burimeve të informacionit, planifikimi i kontrollit të shtëpisë dhe përgjimi, planifikimi i përdorimit të informator
Metodologjia e zbatuar ishte e karakterit të kombinuar, me shpjegime teorike dhe diskutime interaktive.
Përfitues të këtij trajnimi janë: Gjyqtarët e gjykatave themelore nga të gjitha regjionet, prokurorët e prokurorive themelore si dhe zyrtarë për bashkëpunim profesional.
22-09-2020