Më 24 shtator 2021, në kuadër të programit për trajnim fillestare për gjyqtarët e sapo emëruar gjenerata e tetë (8) është realizuar trajnimi teorik në lëmine penale, nga nën moduli “Kodi Penal -pjesa e përgjithshme” me trajnues z. Hashim Qollakaj, Gjyqtar në Gjykatën e Apeli.
Nga ky sesion trajnues për gjyqtarët e sapo emëruar janë trajtuar: bashkëpunimi kushtet dhe karakteristikat për ekzistimin e tij, bashkëkryerja e domosdoshme, kryesi indirekt dhe përgjegjësia dhe ndëshkimi i bashkëkryerësve.
Metodologjia e trajnimit është zbatuar me anë të rasteve praktike dhe me metodën interaktive. Trajnimi është realizuar në mënyrë të kombinuar, në atë fizike në Akademinë e Drejtësisë duke i zbatuar kështu të gjitha masat ndaj virusit COVID-19 dhe online përmes platformës “ZOOM’ në kohë reale.
Përfitues të trajnimit janë 24 gjyqtarë të sapoemëruar, ku dy prej tyre janë të komunitetit serb.
24-09-2021