Më 08 tetor 2021, Akademia e Drejtësisë, në kuadër të Programit për Trajnime të Vazhdueshme ka realizuar trajnimin përmes platformës Zoom me temë “ Menaxhimi i punës e administratën e sistemit gjyqësor”.
Trajnues të angazhuar në këtë trajnim ishin z. Astrit Hoti, Drejtor/Departamenti Ligjor/SKGJK dhe z. Bislim Gashi, Drejtor, Departamenti i administratës së përgjithshme, Sekretariati i KGJK-se.
Qëllimi i këtij trajnimi ishte avancimi i njohurive te pjesëmarrësve në zbatimin e standardeve adekuate të menaxhimit dhe udhëheqjes përmes hartimit të planeve, marrjes së vendimeve të arsyeshme dhe krijimit të ambientit për punë kreative dhe të suksesshme.
Metodologjia e trajnimit ishte e karakterit të kombinuar me shpjegime teorike dhe diskutime interaktive.
Përfitues të këtij trajnimi ishin: Administratorët dhe ndihmës administratorët e gjykatave.
08-10-2021