Njoftim- Thirrje për Pjesëmarrje për programin e Trajnimit të Trajnuesve në fushën e Evidencës Penale

Akademia e Drejtësisë (AD), në bashkëpunim me Projektin National Centralised Criminal Record System (NCCR), fton kandidatët e interesuar që të aplikojnë për pjesëmarrje në Programin e Trajnimit të Trajnuesve (TiT) sa i përket Evidencave Penale.

Qëllimi kryesor i këtij trajnimi është identifikimi dhe ndërtimi i një kuadri trajnuesish, që fillimisht do të trajnohen në modulin bazik, dhe të njëjtit pastaj të specializohen me trajnime të tjera nga ekspertet e projektit.

Programi i TiT do jetë një mundësi për kandidatët e përzgjedhur që të marrin njohuri të avancuara për trajnimin në të ardhmen ne fushën e Evidencës Penale, që do të organizohen nga AD-ja.

Duke u bazuar në kushtet e bashkëpunimit mes AD-së dhe Projektit NCCR, AD-ja do të jetë përgjegjëse për përzgjedhjen e së paku 14 kandidatëve pjesëmarrës të Programit TiT përmes një procesi konkurrues dhe transparent.

Kandidatët e interesuar për të marr pjesë në këtë program trajnues duhet të dërgojnë një CV ose një rezyme profesionale.

Programi TiT

Objektivat:

• të zhvillojë trajnerë profesionalë për gjyqtarët dhe prokurorët;
• të ofrojë një program trajnimi të qëndrueshëm për zbatimin e një metodologjie të unifikuar dhe efektive të trajnimit;
• zhvillimin e aftësive prezantuese dhe lehtësuese;
• hartimin e kurseve, zhvillimin e kurrikulave, si dhe
• përgatitjen e materialit të kursit.

Kriteret e pranueshmërisë:

• Përvojë profesionale prej 5 vitesh me përvojë relevante ne fushën e drejtësisë  prej së paku 3 vitesh;
• Njohuri për kornizën ligjore dhe procedurat, njohuri të përgjithshme dhe/ose ekspertësh;
• Aftësi për të mbledhur dhe analizuar përmbajtjen e trajnimit;
• Kompetenca lidhur me përdorimin e mjeteve mësimore digjitale/online ose zotimi që kjo gjë do jetë prioritet nëse zgjidhet si trajner, gjithashtu edhe angazhimi për të aplikuar mësimin elektronik do të konsiderohet përparësi.
• Përvojë trajnimi (nëse ka)
• Të jetë përfaqësues i një prej grupeve profesionale të mëposhtme

                       gjyqtar, prokuror ose anëtar i gjyqësorit;

                       ekspert në fushën e Evidencave Penale;

                      punonjës në institucionet përkatëse;

Kandidatëve u kërkohet të dërgojnë aplikacionin e tyre tek AD-ja, tek personi kontaktues:

z. Arianit Shabani, e-mail:  arianit.shabani@rks-gov.net

Afati i fundit për aplikim: 17 Nëntor 2021

Vetëm kandidatët që i plotësojnë kushtet do të ftohen në Trajnim.

Përfundimi i procesit të përzgjedhjes: 19 Nëntor 2021.