Me datën 03 tetor 2014, Instituti Gjyqësor i Kosovës në bashkëpunim me projektin B&S Europe ka realizuar trajnimin me temën” Zbulimi, hetimi dhe gjykimi i rasteve të korrupsionit “.
Qëllimi i këtij trajnimi ishte të ndihmoj pjesëmarrësit në identifikimin e treguesve kryesor në zbulimin e korrupsionit në prokurimin publik, të zbatojnë drejt legjislacionin ekzistues në lidhje me prokurimin publik, të interpretojnë drejt procedurën e hetimeve te veprat penale me element të korrupsionit si dhe të mbështesë unifikimin e praktikës gjyqësore.
Fokusi primar i këtij trajnimi ishte trajtimi i kornizës ligjore vendore dhe standardeve më të mira lidhur me luftën kundër korrupsionit në prokurimin publik.
Gjatë këtij trajnimi u trajtuan çështjet lidhur me planifikimin e hetimeve të korrupsionit dhe analiza e elementeve thelbësore të veprës së korrupsionit, korrupsioni në prokurimin publik-specifikat, përmbajtja e planit të hetimit dhe identifikimi i burimeve të informacioneve.
Trajnimi ishte interaktiv dhe i shoqëruar me raste nga praktika gjyqësore.
Përfitues të këtij trajnimi ishin prokurorët, gjyqtarët dhe profesionist të tjerë të përfshirë në luftën kundër korrupsionit.
09-10-2014