Në kuadër të projektit “Rrjeti i Ekspertëve të Ballkanit Perëndimor” është duke u zhvilluar (13 dhe 14 tetor) një takim ekspertësh, me c’rast po diskutohen reformat në sudimin e ligjit nga përspektiva e trajnimit gjyqësor.
Ky takim po mbahet në Akademinë e Drejtësisë së Sllovakisë e cila ndodhet në qytezën Omšenie të Sllovakisë.
Iniciativa e këtij takimi është shprehur në kuadër të udhëheqjes sllovake të katër vendeve të Vishegradit (V4-Sllovakia, Cekia, Polonia dhe Hungaria).
Qëllimi kryesor i këtij takimi është ofrimi i mbështetjes përmes ekspertizave për vendet e Ballkanit Përendimor gjatë procesit të negociatave për integrimin e tyre në Bashkimin Evropian. Me konkretisht ky takim po përqendrohet në lëmin e trajnimit gjyqësor dhe eksperiencën e 4 vendeve të Vishegradit në përmbushjen e kritereve nga kapitulli 23 and 24.
Me këtë rast janë duke u diskutuar mundësitë e mbështetjes nga ana e katër vendeve të Vishegradit për vendet e Ballkanit Perendimor në sfidat e tyre drejt zbatimit të reformave në lëmin e sundimit të ligjit, përkatësisht reformat në lëminë penale dhe civile.
Pjesmarrës në këtë takim janë përfaqësues nga institucionet trajnuese, ministritë e drejtësisë si dhe ekspert nga lëmia penale dhe civile.
Në këtë takim po merr pjesë edhe drejtori i Institutit Gjyqësor të Kosovës.
13-10-2014