Konferencë Ndërkombëtare në Bashkëpunimin Ligjor Ndërkombëtar në Cështje Kriminale dhe Krim Kibernetik

Më 27 dhe 28 Maj 2024, në Ankara, Turqi me ftesë të projektit Octopus, CyberKop action dhe Zyra e KE-së në Ankara, Drejtori Ekzekutiv i Akademisë së Drejtësisë z. Enver Fejzullahu, Udhëheqësja e PTV-së znj. Melihate Rama, prokuroja nga Prokuroria Speciale znj. Florije Shamolli dhe prokurori Halim Borovci, po marrin pjesë në Konferencën Ndërkombëtare për Bashkëpunimin Ligjor Ndërkombëtar në Çështje Kriminale dhe Krim Kibernetik.

Pjesë e konferencës janë edhe zyrtar nga Ministria e Drejtësisë, Departamenti për Bashkëpunim Juridik Ndërkombëtar si dhe Zyrtar nga Policia e Kosovës, njësia për Krim Kibernetik.

Kjo konferencë ka për qëllim kryesor fasilitimin e diskutimeve rreth sfidave dhe praktikat më të mira në lidhje me bashkëpunimin ndërkombëtar në çështjet penale.

Gjatë vizitës në Ankara, Drejtori Ekzekutiv i Akademisë së Drejtësisë z. Enver Fejzullahu, u pritë në takim nga Presidenti i Akademisë së Drejtësisë në Turqi z. Muhittin Özdemir dhe z. Hasan Kadir Yilmaztekin, Drejtor i Departamentit për marrëdhënie me jashtë. Qëllimi i takimit ishte avancimi i bashkëpunimit në fushën e trajnimit dhe shkëmbimit të përvojave në fushën e drejtësisë dhe bashkëpunimit ndërkombëtar.