Nën moduli –Procedurat alternative, sesioni i pestë: Negocimi i marrëveshjes mbi pranimin e fajësisë

Më 20 tetor 2023, Akademia e Drejtësisë në kuadër të Programit Fillestar, për gjyqtarët e sapo emëruar gjenerata e dhjetë është duke realizuar trajnimin teorik nga nën moduli “Procedurat alternative” me trajnues z. Kujtim Munishi, Kryeprokuror në Prokurorinë Themelore në Prishtinë.

Në kuadër të këtij sesioni po trajtohen: instituti i marrëveshjes për pranimin e fajësisë dhe përparësitë dhe mangësitë e Marrëveshjes për pranimin e fajësisë.

Metodologjia e trajnimit është duke u zhvilluar me anë të metodës interaktive dhe raste praktike.

Përfitues të trajnimit janë 29 gjyqtarë të sapo emëruar prej tyre një nga komuniteti boshnjak dhe një nga ai turk.