Nën moduli: Kodi Penal-pjesa e përgjithshme, sesioni i njëmbëdhjetë-Sanksionet penale-dënimet

Më 07 shtator 2023, Akademia e Drejtësisë në kuadër të Programit Fillestar, për gjyqtarët e sapo emëruar gjenerata e dhjetë është duke realizuar trajnimin teorik nga nën moduli “Kodi Penal-pjesa e përgjithshme”, në mbështetje të trajnuesit z. Burim Ademi, gjyqtar në Gjykatën e Apelit-Departamenti Special.

Në kuadër të këtij sesioni janë duke u trajtuar: kuptimi i nocionit të sanksioneve penale – shqyrtime të përgjithshme, dënimet dhe llojet e tij, dënimet alternative - nocioni, rëndësia dhe llojet e dënimeve alternative dhe qëllimi i dënimit me kusht si dhe në kuadër të kësaj teme po trajtohet edhe një rast praktik.

Metodologjia e trajnimit është duke u zhvilluar me anë të metodës interaktive dhe raste praktike.

Përfitues të trajnimit janë 29 gjyqtarë të sapoemëruar ku prej tyre një është nga komuniteti boshnjak dhe një komuniteti turk.