Nën moduli: Kontrolli dhe konfiskimi, sesioni i dytë: Dispozitat e KPP lidhur me konfiskimin dhe sekuestrimit

Më 24 tetor 2023, Akademia e Drejtësisë në kuadër të Programit Fillestar, për prokurorët e sapo emëruar gjenerata e dhjetë është duke realizuar trajnimin teorik nga nën moduli “Kontrolli dhe konfiskimi”, në mbështetje të trajnuesit z. Shqipdon Fazliu, prokuror në Zyrën e Kryeprokurorit të Shtetit.

Në kuadër të këtij sesioni janë duke u trajtuar: kompetencat dhe çështje tjera me rëndësi në procedurë penale në lidhje me ngrirjet, sekuestrimet dhe konfiskimet dhe dizpozita lidhur me sekuestrimin dhe konfiskimin.

Metodologjia e trajnimit është duke u zhvilluar me anë të metodës interaktive dhe raste praktike.

Përfitues të trajnimit janë 21 prokurorë të sapo emëruar 2023/2024.