Akademia e Drejtësisë mirëpret Raportin e Progresit për Kosovën

Akademia e Drejtësisë mirëpret Raportin e Progresit për Kosovën

Akademia e Drejtësisë mirëpret publikimin dhe rekomandimet e Raportit të Komisionit Evropian për Kosovën për vitin 2025 dhe vlerësimet pozitive për përkushtimin e Akademisë së Drejtësisë në forcimin e kapacitetet profesionale të përfituesve të saj.

BE ndër vite përmes raportit ka vlerësuar zhvillimet në fushën e trajnimeve fillestare dhe të vazhdueshme për gjyqtarë, prokurorë dhe stafin mbështetës të sistemit të drejtësisë, ka evidentuar arritjet në rritjen e cilësisë së programeve të trajnimit, forcimin e kapaciteteve profesionale dhe avancimin e metodologjisë bashkëkohore të mësimdhënies.

Gjatë periudhës raportuese raporti thekson se programet trajnuese për gjyqtarët dhe prokurorët janë pjesërisht në përputhje me acquis të BE-së dhe standardet e Këshillit të Evropës.

Raporti si zhvillim pozitiv thekson hartimin e kurrikules trajnuese për Drejtësinë për Fëmijë që synon ngritjen e kapaciteteve të profesionistëve në sistemin e drejtësisë për fëmijë në çështjet penale dhe civile. Akademia e Drejtësisë çmon lartë vlerësimin e raportit të publikuar dhe shprehë përkushtimin e saj që edhe gjatë viteve në vijim të avancojnë standardet profesionale dhe përmes programeve trajnuese të kontribuoj në forcimin e sundimit të ligjit në vend.