Moduli: Etikë profesionale dhe përgjegjësia disiplinore

Me 03, 04, 10, 11 shkurt, 18, 24, 25 mars dhe 01 prill 2025, Akademia e Drejtësisë në kuadër të Programit Fillestar, për prokurorët e sapo emëruar të gjeneratës së njëmbëdhjete ka realizuar trajnimin teorik 14 sesione nga moduli “Etikë profesionale dhe përgjegjësia disiplinore” në kuadër të kurikulës “Shkathtësitë personale dhe ndërpersonale”.

Ky modul është realizuar në mbështetje të trajnuesve z. Jetish Maloku, Prokuror në Prokurorinë Themelore në Gjilan.

Nga ky modul janë trajtuar: Kodi i etikës dhe sjella profesionale, integriteti i prokurorit, llogaridhënia dhe transparenca, standardet ndërkombëtare mbi etikën e prokurorit, përfshirë raste nga praktika ndërkombëtare, procedura disiplinore ndaj prokurorit, masat disiplinore.

Metodologjia e trajnimit është zhvilluar me anë të metodës interaktive dhe të bazuar në raste praktike.

Përfitues të trajnimit janë 24 prokurorë të sapoemëruar.