Moduli: Palët në procedurën penale, kompetenca dhe përjashtimi i gjyqtarit

Me 28, 29 dhe 30 tetor 2024, Akademia e Drejtësisë në kuadër të Programit Fillestar, për gjyqtarët e sapo emëruar të gjeneratës së dymbëdhjetë ka realizuar trajnimin teorik tre sesione nga moduli “Palët në procedurën penale, kompetenca dhe përjashtimi i gjyqtarit” në kuadër të kurikulës “Kodi i Procedurës Penale”. Ky modul është realizuar në mbështetje të trajnuesit z. Burim Ademi, gjyqtar në Gjykatën e Apelit.

Nga ky modul janë trajtuar: Parimet në procedurën penale, kompetencat e gjykatës dhe përjashtimi i gjyqtarit, prokurori i shtetit dhe i pandehuri dhe mbrojtësi në procedurën penale dhe i dëmtuari në procedurën penale.

Metodologjia e trajnimit është zhvilluar me anë të metodës interaktive dhe të bazuar në raste praktike.

Përfitues të trajnimit janë 31 gjyqtarë të sapoemëruar një prej tyre është nga komuniteti boshnjak.