Praktika gjyqësore e Gjykatës Supreme dhe Gjykatës së Apelit me rastin e vendosjes sipas mjeteve të goditjes së vendimeve

Më 10 - 11 Mars 2026, Akademia e Drejtësisë në kuadër të Programit për Trajnime të Vazhdueshme është duke realizuar tryezën me temë “ Praktika gjyqësore e Gjykatës Supreme dhe Gjykatës së Apelit me rastin e vendosjes sipas mjeteve të goditjes së vendimeve ”.

Panelist të angazhuar në këtë tryezë janë: z. Zenel Leku dhe z. Rrustem Thaçi, gjyqtar në Gjykatën Supreme të Kosovës.

Qëllimi i kësaj tryeze është unifikimi i praktikës gjyqësore në Procedurën Kontestimore - në rastin e vendosjes sipas mjeteve të goditjes së vendimeve.

Metodologjia e tryezës është e karakterit të kombinuar me shpjegime teorike dhe diskutime interaktive duke prezantuar edhe raste praktike.

Përfitues janë: Gjyqtarët e Gjykatës së Apelit dhe gjykatave themelore nga të gjitha regjionet e Kosovës.