Trajnim në luftimin e piraterisë digjitale dhe falsifikimin

Më 30 Shator 2025, Akademia e Drejtësisë, në kuadër të Programit për Trajnime të Vazhdueshme është duke realizuar trajnimin me temë “Trajnim në luftimin e piraterisë digjitale dhe falsifikimin”.

Trajnues të angazhuar janë: z. Skender Çoçaj, gjyqtar në Gjykatën e Apelit dhe z. Fadil Abdyli, Shef i Sektorit për Hetime të Krimeve Kibernetike /MPB.

Qëllimi i këtij trajnimi është të krijojë një sistem të integruar dhe të fuqishëm për parandalimin, hetimin dhe ndëshkimin e krimeve të piraterisë digjitale dhe falsifikimit, duke kontribuar në mbrojtjen e interesave të industrive krijuese dhe sigurinë kibernetike.

Metodologjia e trajnimit do të zhvillohet me interpretime të dispozitave ligjore, diskutimi interaktiv, trajtimi i rasteve nga praktika gjyqësore vendore dhe ndërkombëtare.

Përfitues të këtij trajnimi janë: Gjyqtarë nga Apeli, Gjyqtarët dhe Prokurorët nga niveli Themelor, Hetuesit nga Inspektorati Policor i Kosovës.