Trajnimet e avancuara për Ndërmjetësues

Më 19 Tetor 2024, Akademia e Drejtësisë në bashkëpunim me Ministrinë e Drejtësisë, respektivisht Odën e Ndërmjetësuesve dhe INL/FMCS, në kuadër të Programit për Trajnime të Vazhdueshme, janë duke realizuar trajnimin e avancuar për ndërmjetësues.

Trajnues të angazhuar janë: z. Agim Maliqi, gjyqtar në Gjykatën Supreme dhe z. Gzim Shala- Hulumtues i Lartë në Institutin e Kosovës për Drejtësi.

Qëllimi i këtij trajnimi është që ndërmjetësuesve të licencuar të ju ofrohen njohuri të avancuara dhe rifreskuese rreth procedurës së ndërmjetësimit në fushën penale.

Metodologjia e trajnimit është diskutim interaktiv duke prezantuar dhe raste praktike.

Përfituesit e këtij trajnimi janë ndërmjetësuesit nga gjitha regjionet e Kosovës.