Unifikimi i Praktikës Gjyqësore në Rastet nga Procedura Përmbarimore

Më 10 Shkurt 2026, Akademia e Drejtësisë në kuadër të Programit për Trajnime të Vazhdueshme është duke realizuar tryezën me temë: “Unifikimi i Praktikës Gjyqësore në Rastet nga Procedura Përmbarimore ”.

Panelist të angazhuar janë: z. Rrustem Thaqi, gjyqtar në Gjykatën Supreme të Kosovës dhe z. Qerim Ademaj, gjyqtar në Gjykatën Supreme te Kosovës.

Qëllimi i kësaj tryeze është unifikimi i praktikës gjyqësore në procedurën përmbarimore, përmes sqarimit të kufijve të ekzaminimit dhe zbatimit të drejtë të dispozitave ligjore nga të gjitha instancat. Trajnimi synon forcimin e sigurisë juridike dhe konsolidimin e praktikës gjyqësore në përputhje me parimin e rigorozitetit formal dhe mbrojtjen e të drejtave të palëve.

Metodologjia e zbatuar gjatë tryezës është e karakterit të kombinuar me shpjegime teorike dhe diskutime interaktive duke prezantuar edhe raste praktike.

Përfitues janë: Gjyqtarët e gjykatës së Apelit dhe Gjykatave Themelore.