Me 15 Korrik 2022, Akademia e Drejtësisë në kuadër të Programit të Trajnimit të Vazhdueshëm është duke e realizuar tryezën me temë “Veprat penale kundër integritetit seksual”.
Panelistë të angazhuar në këtë tryezë janë: znj. Nesrin Lushta, gjyqtare në Gjykatën Supreme të Kosovës dhe z. Kujtim Munishi, Kryeprokuror në Prokurorinë Themelore në Prishtinë
Qëllimi kryesor i tryezës së diskutimeve ishte shqyrtimi i çështjeve aktuale që po paraqiten në lidhje veprat penale kundër integritetit seksual, për të eliminuar dilemat në interpretimin e dispozitave ligjore sa i përket këtyre veprave penale.
Gjithashtu kjo tryezë kishte për synim trajtimin e çështjeve aktuale nga praktika gjyqësore dhe harmonizimin dhe unifikimin e mendimeve që kanë të bëjnë lidhur me procedurën penale kur kryerësi është i rritur si dhe analizimin e formave të paraqitjes së dhunimit dhe veprave tjera të ngjashme lidhur me integritetin seksual duke elaboruar se cilat janë elementet dhe karakteristikat e veprave penale kundër integritetit seksual.
Metodologjia e tryezës është e karakterit të kombinuar me shpjegime teorike dhe diskutime interaktive duke prezantuar edhe raste praktike.
Përfituesit e këtij trajnim janë: Gjyqtarët e gjykatave themelore, prokurorët e prokurorive themelore dhe zyrtarë nga Policia e Kosovës.
15-07-2022