Më 30 gusht 2023, Akademia e Drejtësisë në kuadër të Programit Fillestar, për gjyqtarët e sapo emëruar gjenerata e dhjetë është duke realizuar trajnimin teorik nga nën moduli “Kodi Penal-pjesa e veçantë”, në mbështetje të trajnuesit z. Agim Maliqi, Gjyqtar në Gjykatën Supreme.
Në kuadër të këtij sesioni janë duke u trajtuar: keqpërdorimi i besimit, fajdja, dëmtimi i të drejtave pronësore të personit tjetër, blerja, pranimi ose fshehja e sendeve të përfituara me kryerjen e veprës penale, vjedhja e identitetit dhe pajisja e qasjes dhe kurdisja e ndeshjes ose e sportit.
Metodologjia e trajnimit është duke u zhvilluar me anë të metodës interaktive dhe raste praktike.
Përfitues të trajnimit janë 29 gjyqtarë të sapoemëruar prej tyre një nga komuniteti boshnjak dhe një nga ai turk.
30-08-2023