Më 06 shtator 2022, Akademia e Drejtësisë në kuadër të Programit Fillestar, për gjyqtarët e sapo emëruar gjenerata e nëntë për grupin e dytë është duke realizuar trajnimin teorik, sesionin e pestë, trajnues nga nën moduli “E drejta detyrimore”, në mbështetje të trajnuesit z. Rafet Haxhaj, Gjyqtar në Gjykatën e Apelit.
Në kuadër të këtij sesioni janë duke u trajtuar: kompensimi i dëmit dhe llojet e kompensimit të dëmit, nocioni dhe qëllimi i shpërblimit të dëmit, kompensimi i dëmit material, vëllimi i dëmit material, kompensimi i dëmit jomaterial, shpërblimi në të holla për personin juridik, trashëgimia dhe cedimi i kërkesës së shpërblimit të dëmit jomaterial.
Metodologjia e trajnimit është duke u zhvilluar me anë të metodës interaktive dhe raste praktike.
Përfitues të trajnimit janë 18 gjyqtarë të sapoemëruar.
06-09-2022