Prishtinë, 4 mars 2022 – Me ftesë nga Qendra AIRE, Enver Fejzullahu-Drejtori Ekzekutiv i Akademisë së Drejtësisë, Enver Peci-Kryetari i Gjykatës Supreme, Albert Zogaj-Kryesuesi i Këshillit Gjyqësor, Albina Shabani-Rama - Kryetarja e Gjykatës Themelore në Prishtinë, kanë marrë pjesë në Forumin e parë të Barazisë Gjinore për Ballkanin Perëndimor, i cili u mbajt këtë fundjavë në Mal të Zi.
Pikat kryesore të diskutimit ishin; luftimi i dhunës ndaj grave dhe vajzave përmes promovimit të barazisë gjinore dhe Konventa Evropiane për të Drejta të Njeriut (KEDNj); Barazia gjinore dhe KEDNj- ndërveprimi ndërmjet nenit 8 dhe nenit 14 të KEDNj-së; Dhuna në familje dhe dhuna me bazë gjinore dhe KEDNj-ja.
Pjesë e këtij forumi ishin edhe presidenti i Gjykatës Evropiane Robert Spano, zëvendës presidentja e Gjykatës Siofra O’Leary, gjyqtarë të Gjykatës Evropiane të të Drejtave të Njeriut dhe gjyqtarë e ekspertë nga rajoni.
Forumi mblodhi bashkë përfaqësues të gjykatave kushtetuese dhe supreme, ombudspersonë, përfshirë edhe kryetaren e Gjykatës Kushtetuese të Kosovës, Gresa Caka-Nimanin, Avokatin e Popullit të Kosovës, Naim Qela dhe gjyqtarë që trajtojnë rastet e dhunës në familje dhe barazisë gjinore.
04-04-2022